Ungmennaþing Vesturlands 25.-27.október
Ungmennaráð Vesturlands verður haldið í sumarbúðunum í Ölver, Hvalfjarðarsveit, helgina 25.-27.október.
Um er að ræða samstarfsverkefni sveitafélaga á Vesturlandi, ungmennaráðs Vesturlands og Samtaka sveitarfélaga á Vesturlandi (SSV) og er fjármagnað af Sóknaráætlun Vesturlands.
Markmið með þinginu er að:
- fá ungt fólk af öllu Vesturlandi saman
- stuðla að uppbyggingu í þágu ungs fólks á öllu Vesturlandi
- skapa vettvang fyrir samtal ungmenna við ráðamenn
- kynnast öðrum ungmennum, njóta og hafa gaman
Þátttakendur munu ræða stöðu ungmenna á Vesturlandi frá ýmsum hliðum auk þess sem boðið verður upp á kynningar sem tengjast málefnum ungs fólks og ungmennaráða.
Þingið er ætlað ungu fólki á aldrinum 14-25 ára.
Fjöldi þátttakenda er takmarkaður við 40 ungmenni og verður lágmarksfjöldi tryggður frá hverju sveitarfélagi. Þátttakendum yngri en 18 ára þarf að fylgja ábyrgðaraðili.
Þátttaka er gjaldfrjáls og innifalið í þátttöku er gisting, matur, vinnugögn og annað tilheyrandi.
Ferðakostnaður er í höndum sveitarfélaganna sjálfra.
Skráningafrestur er til og með 18.október 2024
Framkvæmd þingsins er í höndum Hvalfjarðarsveitar, Akraneskaupstaðar, SSV og Ungmennaráðs Vesturlands